නිළියක්,නිරූපිකාවක්,තවත් එක් ගැහැණියක්..........
මැදියම් රෑ කැඩපත පිට
සායම් දිය වීලා
උරුම දුකක පුරුදු මුහුණ
මා මුව පිට මැවුනා
තිසර පටින් රජකම් කල
පියොවුරු බිම බලලා
පුංචි පුතේ නුඹට නොපෙව්
ලේ කිරි සිහි කෙරුවා
අද සවසත් දෙනෝදහක්
අත් පොල සන් ඇහුනා
ඒ සන් හඩ මිලට අරන්
දවසෙ කුලිය ලැබුනා
හෙට උදයෙත් වෙනදා මෙන්
බෝ ඇස් සනහාලා
සවස වලේ කුස රජුන්ගෙ,
පබාවතිය වෙනවා....
"වල"-එක්තරා එලිමහන් රංග පීඨයක්
Comments
Post a Comment